2027 jyly Qazaqstan eksportynyń kólemi 84,6 mlrd dollarǵa jetedi – mınıstrlik

NUR-SULTAN. QazAqparat – 2027 jyly Qazaqstannyń eksport kólemi 84,6 mlrd dollarǵa deıin jetedi. Bul týraly «Ashyq» NQA saıtynda talqylaýǵa shyǵarylǵan Qarjy mınıstrliginiń «2023-2025 jyldarǵa arnalǵan respýblıkalyq bıýdjet» jobasynda kórsetilgen, dep habarlaıdy QazAqparat tilshisi.

«2027 jyly Qazaqstannyń eksport kólemi 84,6 mlrd dollarǵa deıin ulǵaıady. Al, ımport 45,7 mlrd dollarǵa jetedi. Boljam boıynsha mashına jasaý salasy óndirisiniń kólemi orta eseppen - 5,4, metall emes mıneraldyq ónimder óndirisi - 2,2, tamaq ónimderin daıyndaý - 4,7, farmatsevtıka - 10,9, metallýrgııa - 1,9 jáne hımııa ónerkásibiniń kólemi - 3 paıyzǵa ósedi», - dep kórsetilgen josparda.

Mınıstrlik boljamynsha, taý-ken óndirisinyń kólemin Qashaǵan, Teńiz jáne Qarashyǵanaq jobalary esebinen iske asyrý kózdelgen. Osyǵan saı, munaı óndirý orta eseppen 3,2 paıyzǵa artady. Kelesi jyly 92,6 mln tonna qara altyn óndiriletin bolsa, 2027 jyly bul kórsetkish 99,9 mln tonnaǵa jetýi múmkin.

Eske sala keteıik, buǵan deıin aldaǵy úsh jylda ǵylymdy damytýǵa respýblıkalyq bıýdjetten qansha qarajat baǵyttalatynyn habarlap edik.