2027 jyly UBT tapsyrmalary halyqaralyq standarttarǵa beıimdeledi
ASTANA. KAZINFORM – Ulttyq biryńǵaı testileý mazmunyn ózgertý josparlanǵan. Bul týraly Ǵylym jáne joǵary bilim mınıstrligi Joǵary jáne joǵary oqý ornynan keıingi bilim komıtetiniń tóraǵasy Gúljan Jarasova aıtty.
Onyń aıtýynsha, bıyl Ulttyq biryńǵaı testileý ózgermeıdi. Alaıda 2027 jyldan bastap UBT tapsyrmalary talapkerlerdiń daǵdysyn baǵalaý úshin halyqaralyq standarttalǵan testige beıimdeledi.
- Bıyl UBT ózgermeıdi. Kelesi jyldan bastap tapsyrmalar mazmuny talapkerlerimizdiń daǵdysyn aıqyndaýǵa múmkindik beretin halyqaralyq standarttalǵan testige beıimdeletin bolady. Osy oraıda bul talapkerlerimizge qosymsha júkteme bolmaıtynyn, kerisinshe olardyń qanshalyqty bilimdi ekenin, olardy bilim alý barysynda qalaı qoldana alatynyn anyqtaýǵa múmkindik beretindigin taǵy da atap ótkim keledi, - dedi komıtet tóraǵasy.
Buǵan deıin ETS-pen ulttyq testileý júıesin reformalaý jobasy iske qosylatynyn jazǵan edik.