2027 jyly sý esepteý júıesin tolyq tsıfrlandyrýdy josparlap otyrmyz – mınıstr
ASTANA. KAZINFORM – Elimizde sý tarıfin esepteý júıesin tolyq tsıfrlandyrý josparlanyp otyr. Bul týraly Sý resýrstary jáne ırrıgatsııa mınıstri Nurjan Nurjigitov málim etti.
- 2027 jylǵa deıin sý esepteý júıesin tolyq tsıfrlandyrý, sondaı-aq avtomattandyrylǵan gıdrojapqyshtardy engizýdi josparlap otyrmyz. Aıta ketý kerek, tsıfrlandyrý jobalaryn ázirleý barysynda basym baǵyt otandyq óndirýshilerdiń zamanaýı tehnologııalyq sheshimderi men jabdyqtaryna beriledi. Atalǵan is-sharalar aıaqtalǵan soń, sý resýrstaryna qatysty barlyq málimet aqparattyq júıege tolyq engiziledi. Bul sý alý men bólý úderisin tıimdi josparlaýdy, sondaı-aq onyń ashyqtyǵy men naqtylyǵyn qamtamasyz etedi, - dedi Nurjan Nurjigitov Úkimet otyrysynda.
Sondaı-aq mınıstr búginde aqparattyq-taldaý ortalyǵy jumys istep turǵanyn tilge tıek etti.
- Júıeniń tıimdi jáne úılesimdi jumys isteýin qamtamasyz etý maqsatynda 2024 jyly sý resýrstary aqparattyq-taldaý ortalyǵy quryldy. Ortalyqtyń negizgi mindeti – sý qoryna qatysty derekterdi jınaý, júıeleý jáne taldaý, aqparattyq júıeni súıemeldeý jáne damytý, - dep tolyqtyrdy vedomstvo basshysy.
Buǵan deıin Nurjan Nurjigitov ulttyq sý resýrstary aqparattyq júıesi ázirlenip jatqanyn habarlaǵan edi.