2027 jyly ishki naryq qus etimen 100 paıyz qamtamasyz etiledi

ASTANA. KAZINFORM – 2027 jyly ishki naryq qus etimen 100 paıyz qamtamasyz etiledi. Bul týraly Úkimet otyrysynan keıingi baspasóz máslıhatynda Aýyl sharýashylyǵy mınıstri Aıdarbek Saparov aıtty.

Onyń dereginshe, 2020 jyly ishki naryqtyń jergilikti qus etimen qamtamasyz etilýi 58 paıyz bolsa, búginde bul kórsetkish 82 paıyzǵa jetip otyr. 

- Importqa táýeldilikti aıtarlyqtaı tómendete aldyq. Bul baǵyttaǵy jumys jalǵasa beredi. 2027 jyly Qazaqstan halyqty 100 paıyz qus etimen qamtamasyz etedi, - dedi Aıdarbek Saparov. 

Onyń aıtýynsha, mal sharýashylyǵy ónimderiniń jetkilikti kólemi óndirilip jatyr.

- Sonymen, et ónimderi – sıyr, qoı, jylqy etteri jáne jumyrtqa ishki suranysty tolyǵymen jabady. Qus eti boıynsha oń dınamıka baıqalyp otyr. Eger ótken jyly qamtý deńgeıi 79 paıyz bolsa, bıyl 82 paıyzǵa jetti. Sút ónimderi boıynsha da qamtamasyz etilý 100 paıyzǵa jetkizildi, - dedi ol.