2027 jyly mektepter joǵary jyldamdyqty ınternetpen 100 paıyz qamtylady
ASTANA. KAZINFORM — 2027 jyly mektepter joǵary jyldamdyqty ınternetpen 100 paıyz qamtylady. Bul týraly búgin Úkimet otyrysynda Jasandy ıntellekt jáne tsıfrlyq damý birinshi vıtse-mınıstri Rostıslav Konıashkın aıtty.
— Búginde mektepterdiń 92 paıyzy jyldamdyǵy joǵary ınternetke qosylǵan. Qazirdiń ózinde 1 276 mektepte ınternet jyldamdyǵy 100 Mbıt/sekýndtan joǵary. 2027 jylǵa qaraı olardyń sanyn 3 222, al ortasha jyldamdyqty 90 Mbıt/sekýndqa jetkizýdi josparlap otyrmyz. Bizdiń mindetimiz — barlyq mektepti turaqty ınternetpen qamtamasyz etý jáne balalardyń bilim berý resýrstaryna keńinen qoljetimdiligin qamtamasyz etý. 2027 jyly joǵary jyldamdyqty ınternetke qosylǵan mektepterdiń úlesin 100 paıyzǵa, ıaǵnı 8 myń mektepke jetkizýdi josparlap otyrmyz. Sonymen qatar zamanaýı qosylý tehnologııalaryna kóshýdi jalǵastyramyz, — dedi vıtse-mınıstr.
Aıta keteıik, Úkimet otyrysynda Mınıstrler kabınetiniń músheleri jańa oqý jylyna daıyndyq barysyn talqyǵa saldy.
Osyǵan deıin Juldyz Súleımenova jańa oqý jylynyń basty ereksheligin atady.
