2027 jyly Qazaqstanda suıytylǵan gazdyń baǵasy ózgerissiz qalady
ASTANA. KAZINFORM – Qazaqstannyń ishki naryǵyna suıytylǵan munaı gazyn berý jospary aıasynda taýar bırjalarynan tys ótkiziletin shekti baǵany bekitý týraly buıryq jobasy ázirlendi.
Atalǵan qujat boıynsha Energetıka mınıstrligi 2027 jyldyń 1 qańtarynan bastap suıytylǵan munaı gazyn buryńǵy deńgeıde satýdyń shekti kóterme baǵasyn qaıta bekitýdi josparlap otyr.
Buıryq jobasy 27 qarashaǵa deıin «Ashyq NQA» portalynda qoǵamdyq talqylaýǵa usynylǵan.
Eske salsaq, 2026 jylǵy 1 shildeden 2026 jylǵy 31 jeltoqsanǵa deıingi kezeńde taýar bırjalarynan tys jetkiziletin suıytylǵan munaı gazyn jetkizý jospary boıynsha kóterme saýdadaǵy shekti ótkizý baǵasy qosylǵan qun salyǵyn esepke almaǵanda tonnasyna 59 722 teńge mólsherinde bekitildi.