2027 jyly Qazaqstanda sýtegimen júretin poıyzdar paıda bolýy múmkin
«Qazaqstan Temirjoly» ulttyq kompanııasy 2027 jyldan bastap sýtegimen júretin lokomotıvter satyp almaqshy. Osylaısha olar logıstıkalyq kompanııalardyń aldyndaǵy ekologııalyq ımmıdjin jaqsartpaq, dep habarlaıdy QazAqparat tilshisi.
Aktsıonerlik qoǵamnyń basqarma tóraǵasy Nurlan Saýranbaev «New Silk Way» halyqaralyq kólik-logıstıkalyq bıznes-forýmynda osyndaı málimet aıtty.
«Áýe men teńiz kóligine qaraǵanda qorshaǵan ortaǵa zııandy shyǵaryndylardy 8 ese az tastaıtynyna qaramastan, temirjol salasynda jetildirý qajet tustar jeterlik. 2027 jyldan bastap «Qazaqstan Temirjoly» jasyl sýtegimen júretin lokomotıvter satyp ala bastaıdy.
ıAǵnı, bizdiń lokomotıvter parki jasyl energetıkaǵa basymdyq beretin bolady. Oǵan deıin gazben júretin lokomotıvter satyp almaqshymyz. Ótkende ol týraly da kelisimderge qol qoıdyq. Gaz da jasyl tehnologııaǵa jatady. ıAǵnı, jasyl tehnologııa logıstıka salasyna kelip jatyr. Іri kompanııalarmen kelissóz júrgizgende jobanyń qunymen birge júktiń ár tonnasyna qansha shyǵaryndy keletini naqty jazylady. Іri kompanııalardyń bári logıstıkalyq ónim satqanda mindetti túrde kómirtegi izin kórsetip otyrady. Bul – ýaqyttyń pármeni», - dedi ol.
Kompanııa basshysy Qazaqstan aýmaǵymen júk tasymaldaǵysy keletin iri kompanııalar onlaın baqylaý júıesiniń jetilmegenine saqtyqpen qaraıtynyn aıtady.
«Bizdiń sala úshin tsıfrlandyrý da mańyzdy. Óıtkeni iri kompanııalarmen sóıleskende olardyń aıtatyny bar. «Qazaqstan aýmaǵyna kirgen sátten bastap júgimizdi kórýden qalamyz. Qaı jerde ketip bara jatqany nemese turǵany beımálim bolyp ketedi», - degendi aıtady. Sondyqtan osyndaı tehnologııalardy beretin álemniń iri kompanııalarymen jumys istep jatyrmyz. Ázerbaıjan, Grýzııa, Ózbekstan tarapymen osy tsıfrlyq dálizdi birizdi etip qurýǵa ýaǵdalasyp jatyrmyz», - deıdi Nurlan Saýranbaev.
Jalpy álemdegi tasymal tizbeginiń buzylýy «Qazaqstan Temirjoly» úshin qolaıly jaǵdaı týǵyzǵan uqsaıdy.
«Keıingi úsh jylda bizde tarıhı kórsetkishter tirkelip keledi. ıAǵnı, biz jyl saıyn Qazaqstan temirjolynyń eń joǵary kórsetkishterin jańartyp otyrmyz. Bıyl da solaı bolatyn túri bar. 9 aıdyń qorytyndysy boıynsha júk aınalymy 7 paıyz ósken. Negizgi ósim tranzıt esebinen bolyp tur. Tarnzıttiń óz ósimi – 25 paıyz. Bul óte jaqsy kórsetkish jáne Qazaqstan tranzıttik el retinde qalyptasqanyn aıǵaqtaıdy», - deıdi QTJ basshysy.
Aıta keteıik, Prezıdent Qasym-Jomart Toqaevtyń AQSh-qa sapary aıasynda «Qazaqstan temir joly» UK» aktsıonerlik qoǵamy men Wabtec arasynda strategııalyq yntymaqtastyq týraly negizdemelik kelisimge qol qoıylǵan bolatyn. https://kaz.inform.kz/news/-4549fb/ «Astana» halyqaralyq qarjy ortalyǵynyń basqarýshysy Renat Bekturovtyń aıtýynsha, amerıkalyq lokomotıv óndirýshi kompanııa Citibank-tiń qarjylandyrýy arqyly arqyly elimizde 240 jańa lokomotıv jasamaq. Mámileniń quny 900 mln dollarǵa teń.
Kelisim «Qazaqstan temir joly» kompanııasynyń 15 paıyzǵa jýyq lkomotıvin jańalaýǵa múmkindik beredi.
