2027 jyly Qazaqstanda balalar sany 8 mıllıonǵa jetedi
ASTANA. KAZINFORM – Qazirgi ýaqytta elimizde 6,9 mln bala bar. 2027 jylǵa qaraı balalar sany 8 mıllıonǵa deıin ulǵaıady. Bul týraly QR Oqý-aǵartý mınıstrligi Balalardyń quqyqtaryn qorǵaý komıtetiniń tóraǵasy Nasymjan Ospanova aıtyp berdi. 2024 jyly QR Bala quqyqtary týraly Konventsııanyń qabyldanǵanyna 30 jyl toldy. Bul aralyqta elimiz balalardyń qaýipsizdigi men ál-aýqatyn arttyrýda úlken joldan ótti.
«Memlekettik saıasattyń basty basymdyqtarynyń biri — balalardy qorǵaý men qoldaý jáne solaı bolyp qala bermek. Qazaqstannyń balalar quqyqtary salasyndaǵy halyqaralyq standarttardy ustanýyn Qazaqstan ratıfıkatsııalaǵan balaǵa qatysty halyqaralyq sharttardyń iske asyrylýy dáleldeıdi. „Bala quqyqtary týraly“ jáne «Bilim týraly» negizderdi qosa alǵanda, Qazaqstannyń ulttyq zańnamalyq bazasy — balalarymyzdyń gúldengen jáne qaýipsiz balalyq shaǵy qurylatyn quqyq qorǵaý salasy», — dedi Nasymjan Ospanova Ortalyq kommýnıkatsııalar qyzmetinde ótken baspasóz máslıhatynda.
Balalardyń ál-aýqatyn jáne ulttyq saıasattyń tıimdilik dárejesin baǵalaý úshin 2021 jyly balalar ál-aýqatynyń ındeksi ázirlengen. 2024 jyldan bastap «Ulttyq qor — balalarǵa» jobasy iske qosyldy, onyń sheńberinde Ulttyq qordyń ınvestıtsııalyq tabysynyń 50% barlyq balalar arasynda bólinedi.
«Qazirgi ýaqytta respýblıkada 6,9 mln bala bar. Resmı boljamǵa súıene otyryp, 2027 jylǵa qaraı qazaqstandyq balalar sanynyń 8 mln-ǵa deıin ulǵaıýyn kútemiz. Elimizde 7 849 mektepte 3,8 mln bala bilim alady. Osy saladaǵy negizgi másele oryn tapshylyǵy, úsh aýysymdylyq jáne mektepterdiń apattylyǵy bolyp otyr. Ony sheshý úshin «Jaıly mektep» ulttyq jobasy iske asyrylýda», — dedi komıtet tóraǵasy.
