2027 jyly Qazaqstan halqy 21 mln adamǵa jetýi múmkin
2027 jyly Qazaqstan halqy 21 mln adamǵa jetýi múmkin. Mundaı boljamdy Ulttyq statıstıka bıýrosy basshysynyń orynbasary Maqsat Turlybaev bólisti, dep habarlaıdy Kazinform.
«Biz uzaq merzimge arnalǵan boljam jasamaımyz. Qysqa merzimdi boljamdy alar bolsaq, 2027 jyly halyq sany 21 mln-ǵa jetýi múmkin. Biraq, 2050 jylǵa qaraı halyq sany qanshaǵa jetetindigin eseptep kóremiz», - dedi ol Ortalyq kommýnıkatsııalar qyzmetindegi baspasóz máslıhatynda.
Al Eńbek jáne halyqty áleýmettik qorǵaý vıtse-mınıstri Erbol Ospanov demografııalyq boljam jasalatyndyǵyn aıtady.
«Onda ártúrli ádistemeler qoldanylady. Mysaly, onda kóshi-qon, týý protsesi bar. Aıtalyq, 2021 jyly Qazaqstanda bala týý sany kúrt kóbeıetindigin kim oılaǵan. Oǵan Kovıd-19 pandemııasy tikeleı áser etti. Osydan 10 jyl buryn jylyna 250-260 bala dúnıege kelse, keıingi jyldary 300 myńǵa jetti. Al pandemııa kezinde 460-470 myń bala dúnıege kele bastady. Osyndaı syrtqy jaıttardyń boljamǵa tikeleı áseri bar», - dedi ol.
Onyń atap ótýinshe, demografııalyq ósim halyqtyń ál-aýqatymen baılanysty. ıAǵnı, otbasylardyń áleýmettik jaǵdaıy jaqsarǵan saıyn dúnıege keletin balalardyń sany artady. Sondaı-aq balabaqshamen qamtý máselesi, áleýmettik tólemder de týý kórsetkishine áser etedi.
