2027 jyly dástúrli UBT júıesi saqtalady - Saıasat Nurbek
ASTANA. KAZINFORM – Keler jyldaǵy UBT júıesi ózgermeıdi. Bul týraly Ǵylym jáne joǵary bilim mınıstri Saıasat Nurbek aıtty.
- Aldaǵy ýaqytta UBT boıynsha qosymsha aqparat beretin bolamyz. Kelesi jyldan bastap jańadan pysyqtalǵan test — AIT (Admission Insight Test) degen test pılottyq formatta iske qosylady, - dedi S. Nurbek Ortalyq kommýnıkatsııalar qyzmetindegi baspasóz máslıhatynda.
Bul turǵyda mınıstr 2027 jyly elde dástúrli UBT saqtalatynyn naqtylady.
- Jańa test tek pılottyq joba retinde ǵana engiziledi. Sondyqtan bul taqyrypta dúrbeleń jasap kerek emes, ıaǵnı mınıstrliktiń resmı aqparatyna nazar aýdarǵan jón, - dedi vedomstvo basshysy.
Onyń sózine qaraǵanda, jańa formattaǵy test tapsyrmalary áli ázirlenip jatyr.
Buǵan deıin UBT-nyń jańa formatyn engizý 2027 jyly pedagogıkalyq baǵyttan bastalatynyn jazǵan edik.