2027 jyly Almatyda kólik pen ónerkásip nysandaryna ekologııalyq talap kúsheıedi
ALMATY. KAZINFORM Almatyda atmosferalyq aýany qorǵaýdyń jańa erejeleri boıynsha negizgi talaptar 2027 jyldyń basynan bastap kúshine enedi.
«Eco Almaty» JShS bas dırektorynyń orynbasary Aıdana Qasenniń aıtýynsha, qujat aýany lastaıtyn shyǵaryndylardy azaıtýǵa baǵyttalǵan keshendi sharalardy qamtıdy. Atap aıtqanda, avtokólikke, ónerkásip nysandaryna jáne turmystyq lastaný kózderine qoıylatyn talaptar kúsheıtiledi. Sonyń ishinde kólikterdiń katalızatorlardy mindetti túrde paıdalanýy jáne shyǵaryndylar boıynsha belgilengen normalardy saqtaýy bar.
III sanattaǵy nysandarǵa (monsha, káýaphana, t.b.) qatysty talaptar bólek qarastyrylǵan. Olar úshin súzgilerdi mindetti túrde ornatý, shań basatyn tehnologııalardy engizý, turaqty zerthanalyq ólshemder júrgizý jáne ekologııalyq taza otyn túrlerine kóshý talap etiledi.
Sonymen qatar jańa erejelerge sáıkes, qaladaǵy gazdandyrylǵan aýdandarda qatty jáne suıyq otyndy paıdalanýǵa tyıym salynady.
– Jańa talaptardy engizý aýa lastaný deńgeıin júıeli túrde tómendetýge jáne barlyq shyǵaryndy kózderiniń ekologııalyq jaýapkershiligin arttyrýǵa baǵyttalǵan, - dedi Aıdana Qasen.
Eske salaıyq, 2025 jyldyń jeltoqsan aıynda Almaty máslıhaty atmosferalyq aýany qorǵaý qaǵıdalaryn bekitti.
Bıyl 28 sáýirden bastap Almatyda tómen emıssııaly aımaqtyń (LEZ) pılottyq jobasy iske qosyldy. Synaq kezeńi 2026 jyly 31 jeltoqsanǵa deıin jalǵasady.
