2027 jylǵy qajylyqty uıymdastyratyn tórt týroperator anyqtaldy
ASTANA.KAZINFORM - Qazaqstan musylmandary dinı basqarmasy 2027 jylǵy qajylyq maýsymyn uıymdastyratyn týroperatorlardy irikteý qorytyndysyn shyǵardy. Bul týraly Qazaqstan msylmandary dinı basqarmasy QMDB habarlady.
Іrikteýdiń negizgi maqsaty – qazaqstandyq qajylarǵa kórsetiletin qyzmet sapasyn arttyrý, otandastarymyzdyń Saýd Arabııa aýmaǵynda qaýipsizdigi men quqyqtaryn qamtamasyz etý, sondaı-aq Saýd tarapynyń qajylyq salasyna qatysty zańdy talaptaryn saqtaý.
Belgilengen tártipke sáıkes irikteý jumystary arnaıy qurylǵan komıssııa tarapynan júrgizilip, úmitker týroperatorlardyń qajylyq jáne umra saparlaryn uıymdastyrýdaǵy jyl boıǵy qyzmet kórsetkishteri men oń tájirıbesi, resmı tártipte alǵan týrkodtary, tıisti lıtsenzııalarynyń jaramdylyǵy «Týrıstik Qamqor» korporatıvti qory arqyly anyqtaldy.
Sonymen qatar týroperatorlardyń uıymdastyrýshylyq qabileti jáne belgilengen talaptarǵa sáıkestigi saralandy. Saýd Arabııasy tarapynan qajylyqty uıymdastyrýshylarǵa qoıylatyn naqty talaptar da saqtaldy.
Derbes komıssııa músheleri belgilengen tártipke saı týroperatorlardy balldyq júıemen baǵalap, qajylyq oryndaryn bóldi.
Keshendi jáne salystyrmaly baǵalaý qorytyndysy boıynsha 2027 jylǵy qajylyq maýsymyn uıymdastyrý jumystaryna laıyqty dep kelesi týroperatorlar jarııalandy:
- «Atlas Týrızm»;
- «Nurhan Trevel»;
- «Taýaf Trevel»;
- «Hıkmet Trevel».
-Sonymen qatar, atalǵan ashyq konkýrstan ótpeı qalǵan týroperatorlar zańdy túrde belgilengen tártipte joǵarydaǵy týroperatorlardyń birimen sýbagenttik negizde qajylyq saparyn uıymdastyrýǵa múmkindigi bar,-delingen QMDB habarlamasynda.
Osyǵan deıin Saýd Arabııasynda 1,5 mln astam sheteldik azamat qajylyq paryzyn ótep júrgeni týraly jazdyq.
