2027 jylǵa qaraı naryqty taýyq etimen tolyq qamtımyz – mınıstr
ASTANA. KAZINFORM – Qazaqstan 2027 jylǵa qaraı ishki naryqty taýyq etimen tolyq qamtamasyz etýdi josparlap otyr. Bul týraly Aýyl sharýashylyǵy mınıstri Aıdarbek Saparov aıtty.
Mınıstrdiń aıtýynsha, 2020 jyly qamtamasyz etilý deńgeıi 58% bolsa, qazir bul kórsetkish 82%-ǵa jetken.
– Biz ımportqa táýeldilikti edáýir tómendettik. Osy baǵyttaǵy jumys jalǵasyn tabady. 2027 jylǵa qaraı Qazaqstan halyqty taýyq etimen 100% qamtamasyz etemiz, – dedi Aıdarbek Saparov Úkimet úıinde ótken baspasóz máslıhatynda.
Búginde qus eti Makınsk qus fabrıkasynda, sondaı-aq «Prıma kýs», «Severnyı broıler» jáne basqa kásiporyndarda óndiriledi.
2025 jyly taǵy bes jańa qus fabrıkasyn paıdalanýǵa berý josparlanǵan.
Buǵan deıin Qazaqstannyń agroónimderi qaı elge eksporttalatynyn jazǵan edik.