2027 jylǵa deıin óńirlerde zamanaýı travmatologııalyq ortalyqtar ashylady
ASTANA. KAZINFORM — Qazaqstanda jaraqat alǵan patsıentterge medıtsınalyq kómek kórsetý júıesin jańǵyrtý jumystary jalǵasyp jatyr. 2027 jylǵa deıin óńirlik travmatologııalyq ortalyqtar jelisi qurylyp, shokqa qarsy bólimsheler jańǵyrtylady, jedel medıtsınalyq kómekti kúsheıtý jáne jaraqattanýdyń profılaktıkasy sharalaryn jetildirý josparlanǵan. Bul týraly QR Densaýlyq saqtaý mınıstrligi málim etti.
Búginde mamandandyrylǵan kómekti 1 500-den astam travmatolog dáriger kórsetedi. Elde 81 travmatologııalyq pýnkt, 4 myńnan astam mamandandyrylǵan tósek jáne 260 medıtsınalyq uıym jumys isteıdi. Qyzmettiń kadrlyq áleýetin nyǵaıtý jáne ınfraqurylymyn damytý jumystary jalǵasady.
Negizgi baǵyttardyń biri — óńirlik travmatologııalyq ortalyqtar jelisin qurý. Mundaı ortalyqtar Astana, Almaty, Qaraǵandy jáne Balqash qalalarynda ashylǵan. 2027 jylǵa deıin jelini elimizdiń ózge óńirlerinde de keńeıtý josparlanyp otyr. Bul mamandandyrylǵan medıtsınalyq kómektiń qoljetimdiligin arttyrýǵa múmkindik beredi.
— Jedel medıtsınalyq kómekti damytýǵa erekshe nazar aýdarylady. Qabyldaý bólimshelerindegi 210 shokqa qarsy kabınetti zamanaýı Trauma room bólmelerimen qaıta jaraqtandyrý, sondaı-aq avtomobıl joldarynyń jol-kólik oqıǵalary jıi tirkeletin ýchaskelerinde 69 tirek medıtsınalyq pýnkt jáne týrıstik aımaqtarda 60 maýsymdyq medıtsınalyq pýnkt qurý kózdelgen, - dep habarlady vedomstvodan.
Profılaktıka jumystary da mańyzdy baǵyttardyń biri bolyp qala beredi. Jol-kólik oqıǵalaryna baılanysty, turmystyq jáne balalar jaraqatynyń aldyn alý jónindegi jumystar kúsheıtilip, halyqty alǵashqy kómek kórsetý daǵdylaryna oqytý aýqymy keńeıtiledi.
Qabyldanyp jatqan sharalar jaraqat alǵan kezde zamanaýı ári sapaly medıtsınalyq kómektiń elimizdiń árbir turǵyny úshin qoljetimdi bolýyn jáne medıtsınalyq qyzmetterdiń tótenshe jaǵdaılarda jedel kómek kórsetý múmkindigin arttyrýǵa baǵyttalǵan.
Eske sala keteıik, Qazaqstanda emhanaǵa júginý tártibi jeńildedi. Densaýlyq saqtaý mınıstriniń jańa buıryǵyna sáıkes, endi dáriger naýqasty birden úsh mamanǵa jibere alady. Keı jaǵdaıda beıindi dárigerge qaralý úshin ýchaskelik terapevtiń joldamasy da qajet bolmaıdy.
