2027 jylǵa deıin kvazımemlekettik uıym qurýǵa moratorıı jarııalanady

ASTANA. KAZINFORM – Ulttyq ekonomıka mınıstrligi 2026 jyldyń 31 jeltoqsanyna deıin kvazımemlekettik uıym qurýǵa moratorıı engizý týraly qaýly jobasyn qoǵamdyq talqylaýǵa shyǵardy. 

«2026 jylǵy 31 jeltoqsanǵa deıin kvazımemlekettik sektor sýbektilerin qurýǵa moratorıı engizilsin», - delingen qujatta.

Degenmen, bul moratorıı «Zańsyz ıemdenilgen aktıvterdi memleketke qaıtarý týraly» Zańdy oryndaýmen baılanysty sharalarǵa áser etpeıtini aıtylǵan.

Sondaı-aq, atalmysh shekteýdiń Prezıdent tapsyrmalarymen baılanysty aıryqsha jaǵdaılarǵa qatysy joq.

Moratorıı Memleket basshysynyń «Ekonomıkany yryqtandyrý jónindegi sharalar týraly» Jarlyǵyn iske asyrý qajettilikterinen týyndap otyr.