2027 jylǵa deıin Qazaqstan óńirlerinde jańa travmatologııalyq ortalyqtar ashylady
ASTANA. KAZINFORM – Qazaqstanda 2027 jylǵa deıin óńirlik travmatologııalyq ortalyqtar jelisi keńeıtilip, shokqa qarsy bólimsheler jańǵyrtylady, dep habarlaıdy Densaýlyq saqtaý mınıstrligi.
Bul másele Densaýlyq saqtaý jónindegi ulttyq úılestirý keńesiniń otyrysynda qaraldy.
Búginde elimizde jaraqat alǵan naýqastarǵa mamandandyrylǵan kómekti 1 500-den astam travmatolog kórsetedi. Sondaı-aq 81 travmatologııalyq pýnkt, 4 myńnan astam mamandandyrylǵan tósek jáne 260 medıtsınalyq uıym jumys isteıdi.
«Negizgi baǵyttardyń biri – óńirlik travmatologııalyq ortalyqtar jelisin qurý. Mundaı ortalyqtar Astana, Almaty, Qaraǵandy jáne Balqash qalalarynda ashylǵan. 2027 jylǵa deıin jelini elimizdiń ózge óńirlerinde de keńeıtý josparlanyp otyr. Bul mamandandyrylǵan medıtsınalyq kómektiń qoljetimdiligin arttyrýǵa múmkindik beredi», – dep málimdedi mınıstrlik.
Jedel medıtsınalyq kómekti damytý aıasynda qabyldaý bólimshelerindegi 210 shokqa qarsy kabınetti zamanaýı Trauma room bólmelerimen qaıta jaraqtandyrý josparlanǵan. Sonymen qatar jol-kólik oqıǵalary jıi bolatyn ýchaskelerde 69 tirek medıtsınalyq pýnkt jáne týrıstik aımaqtarda 60 maýsymdyq medıtsınalyq pýnkt ashý kózdelip otyr.
Mınıstrlik jol-kólik oqıǵalary, turmystyq jáne balalar jaraqatynyń aldyn alý sharalaryn kúsheıtip, halyqty alǵashqy medıtsınalyq kómek kórsetý daǵdylaryna oqytýdy keńeıtýdi josparlap otyr.
Aıta keteıik,
