2027 jylǵa deıin ıpotekalyq turǵyn úı qaryzdary boıynsha JTSM shekti mólsheri ózgerissiz qalady
ASTANA.KAZINFORM — Qarjy naryǵyn retteý jine damytý agenttigi men Ulttyq bank ıpotekalyq turǵyn úı qaryzdary boıynsha jyldyq tıimdi syıaqy mólsherlemesiniń (JTSM) shekti deńgeıin aıqyndaýǵa qatysty birlesken qaýlyǵa ózgerister engizý jobasyn «Ashyq NQA» portalyna qoǵamdyq talqylaýǵa 22 maýsymǵa deıin shyǵardy.
Qujatqa sáıkes, 2027 jylǵy 1 qańtardan bastap ıpotekalyq nesıeler boıynsha JTSM mólsheri LTV koeffıtsıentine (kredıt somasynyń kepil qunyna qatynasy) baılanysty belgilenbek.
— Eger LTV kórsetkishi 0,7-ge deıin nemese teń bolsa, shekti mólsherleme 20 paıyzdy quraıdy, al 0,7-den joǵary bolǵan jaǵdaıda 25 paıyz deńgeıinde saqtalady, — delingen qujatta.
Sonymen qatar 2026 jylǵy 1 shilde men 2027 jylǵy 1 qańtar aralyǵynda ıpotekalyq turǵyn úı qaryzdary boıynsha JTSM shekti mólsheri 25 paıyz deńgeıinde ózgerissiz qalady.
Aıta keteıik, Otbasy bank 70 myń salymshyǵa 1,6 trln teńge jeńildetilgen ıpotekalyq qaryz beredi.
Sonymen qatar ıpotekalyq nesıe mólsherlemesin tómendetetin jańa ádisteme ázirlengen edi.
