2027 jylǵa deıin eldegi sý aıdyndarynda 4 jańa parom paıda bolady

Úkimet 2027 jylǵa deıin sheteldik óndirýshilerge 4 birdeı parom qurastyrýǵa tapsyrys bermekshi, dep habarlaıdy Kazinform. 

«Kemelerdiń, ásirese parom tapshylyǵyn sheshýge tıispiz. Ol úshin shetelge tapsyrys berýge májbúrmiz. Alǵashqy paromdardyń qurylysy aldaǵy jyly bastalady. 2027 jyly olardyń sanyn tórteýge jetkizý josparlanyp otyr», - dedi Premer-Mınıstr.

Úkimet basshysy Qazaqstanda keme jasaıtyn zaýyt joq ekenin eske saldy.

«Ony salý máselesin tezdetip qarap, ınvestor tartý úshin sheshim qabyldaý qajet. Sonymen qatar temirjol toraptary men porttarǵa deıingi kirme joldardy keńeıtý máselesi de ózekti bolyp otyr», - dedi Álıhan Smaıylov.