2027 jylǵa deıin 6500-den astam MSAK mamandary biliktiligin arttyrady
ASTANA. KAZINFORM — Densaýlyq saqtaý mınıstrligi 2025 jyldy medıtsınalyq-sanıtarııalyq alǵashqy kómek mamandarynyń biliktiligin arttyrý jyly dep jarııalady.
DSM málimetinshe, bastamanyń basty maqsaty — dárigerler men orta medıtsınalyq personaldy aýqymdy oqytýdy qamtamasyz etý, zamanaýı bilim berý baǵdarlamalary men praktıkalyq-baǵdarlyq daıarlaý ádisterin engizý.
Jyl basynan beri búkil el boıynsha júzdegen jalpy praktıka dárigeri men meıirger trenıngten ótti. Mamandardyń eń kóp sany Aqtóbe, Atyraý jáne Batys Qazaqstan oblystarynda daıarlandy.
— Baǵdarlama úsh jylǵa arnalǵan. 2027 jylǵa deıin 6 788 medıtsına qyzmetkerin oqytý josparlanyp otyr. Onyń 2 135-in jalpy praktıka dárigeri, 3 051-in orta medıtsına qyzmetkeri quraıdy. Baǵdarlamaǵa professorlyq-oqytýshylyq quramnyń biliktiligin arttyrý da engizildi: 828 medıtsınalyq kolledj oqytýshysy jáne 774 medıtsınalyq joǵary oqý oryndarynyń oqytýshysy oqytýdan ótedi, — delingen vedomstvo taratqan aqparatta.
Densaýlyq saqtaý mınıstrligi jumysshy kásipter jyly sheńberinde MSAK mamandarynyń biliktiligin arttyrý densaýlyq saqtaýdyń bastapqy býynyn edáýir nyǵaıtýǵa, halyqqa medıtsınalyq kómek kórsetý sapasyn jaqsartýǵa jáne aýrýlardyń profılakıtkasy men emdeýdiń jańa tásilderin engizýge múmkindik beretinin atap ótti.
Budan buryn mınıstrlik medıtsınalyq joǵary oqý oryndaryna túsetinderge qoıylatyn talaptardy kúsheıtkenin jazǵan edik.