2027 jyldyń sońyna deıin taǵy 68,2 myń balabaqsha orny ashylady
ASTANA. KAZINFORM — Qazaqstanda 2027 jyldyń sońyna deıin balabaqshalardaǵy oryn sany taǵy 68,2 myńǵa artady. Bul týraly Kazinform agenttiginiń saýalyna QR Oqý-aǵartý mınıstrligi Mektepke deıingi bilim berý departamentiniń dırektory Gúlnara Iskakova málimdedi.
Onyń aıtýynsha, sońǵy úsh jylda elimizde Qadamdyq josparǵa sáıkes, mektepke deıingi 231,8 myń jańa oryn ashylǵan.
— Aldaǵy ýaqytta bul jumys jalǵasady. Máselen, 2027 jyldyń sońyna deıin taǵy 68,2 myń oryn ashylady, — dedi spıker.
Mınıstrlik qazir vaýcherlik qarjylandyrý pılotynyń nátıjelerin taldap, ony odan ári keńeıtý baǵytynda jumys júrgizip jatyr.
Sonymen qatar normatıvtik-quqyqtyq jáne aqparattyq júıelerdi jetildirý, táýekelderdi basqarý tetigin damytý kózdelgen.
Aıta keteıik, qazirgi ýaqytta vaýcherlik qarjylandyrýdyń pılottyq jobasy 20 qala men 23 aýdanda, shamamen 6 myń mektepke deıingi uıymda iske asyrylyp jatyr. Joba aıasynda 1,2 mln-nan astam vaýcher berilgen.
Aıta keteıik, buǵan deıin balabaqshaǵa qabyldaý úshin qandaı qujattar qajet ekeni habarlandy.
