2027 jyldan bastap jedel járdem qyzmeti boıynsha jańa norma engiziledi – mınıstr

ASTANA. KAZINFORM – Jedel járdem qyzmetiniń jańa normasy halyqaralyq tájirıbege sáıkes. Bul týraly Densaýlyq saqtaý mınıstri Aqmaral Álnazarova málim etti.

жедел жәрдем
Фото: akmaralalnazarova

- Búginde jedel járdem qyzmeti 8 mıllıonnan astam shaqyrtý alady. Onyń ishinde 60 paıyzǵa jýyǵy tórtinshi sanatqa jatady, ıaǵnı sozylmaly aýrýy bar nemese óz aıaǵymen emhanaǵa bara alatyn naýqastar, osy oraıda shuǵyl, adam ómirine qaýip tóngen jaǵdaıdaǵy shaqyrtýlarǵa jedel járdem keshigip jatady. Sondyqtan biz halyqaralyq barlyq tájirıbeni eskere otyryp, zań jobasyna tıisti usynysty engizip otyrmyz, - dedi Aqmaral Álnazarova Májiliste MÁMS júıesi týraly zań jobasyn tanystyra turyp.

Sondaı-aq vedomstvo basshysy jedel járdem qandaı jaǵdaıda kórsetiletinine qatysty tizim jasalǵanyn jetkizdi.

- Bul norma 2027 jyldan bastap iske qosylady, - dep qysqa qaıyrdy mınıstr.

Eske sala keteıik, eger 103 jaýap bermese, jedel járdemge habarlasýdyń balama nusqasy bar.

Aıta keteıik, búgin Májiliste «Mindetti áleýmettik medıtsınalyq saqtandyrý máseleleri boıynsha ózgerister men tolyqtyrýlar engizý týraly» zań jobasynyń tanystyrylymy ótip jatyr.

Сейчас читают