2027 jyldan balabaqshalardy mindetti lıtsenzııalaý engiziledi - Súleımenova

ASTANA. KAZINFORM — Búgin Quryltaıdaǵy Úkimet saǵatynda Oqý-aǵartý mınıstri Juldyz Súleımenova vaýcher júıesi qansha qarajat únemdegenin aıtty.

Juldyz Súleımenova
Foto: Soltan Jeksenbekov / Kazinform

- Elimizdegi 12 myń mektepke deıingi uıymda 1,1 mıllıonnan astam bala tárbıelenip, bilim alyp jatyr. Bıyl 389 myńnan astam búldirshin mektep aldyndaǵy daıarlyqtan ótti. 20 qala men 23 aýdanda iske asyp jatqan pılottyq joba aıasynda 1,3 mln vaýcher berildi. Mundaı qarymdy qadam 47,6 mlrd teńge bıýdjet qarajatyn únemdep, kezektilikti 160 myńnan 23 myńǵa deıin qysqartty, - dedi J.Súleımenova.

Onyń aıtýynsha, sonymen birge 100 (62 memlekettik, 38 jeke) mektepke deıingi uıymda balalardy erte jastan eńbekke jáne kásipke baýlý jobasy iske asyrylyp jatyr.

- Al balalardyń qaýipsizdigin qamtamasyz etý men uıymdardyń jaýapkershiligin kúsheıtý úshin 2027 jylǵy 1 qańtardan bastap balabaqshalardy mindetti lıtsenzııalaý engiziledi, - dedi mınıstr.

Buǵan deıin habarlanǵandaı, balabaqshaǵa barmaıtyn balany tirkegen uıymdar vaýcherlik júıeden shyǵarylady.