2026–2027 oqý jylynan bastap ne ózgeredi
ASTANA. KAZINFORM — 2026-2027 oqý jylynda oqýshylardyń quqyqtyq mádenıetin qalyptastyrý maqsatynda 5-7-synyptarǵa «Konstıtýtsııa negizderi», 8-11-synyptarǵa «Zań jáne tártip» oqý kýrstary engiziledi.
Oqý-aǵartý mınıstrligi «Adal azamat» birtutas tárbıe baǵdarlamasyn iske asyrýdy jalǵastyrady. Baǵdarlama Memleket basshysy Qasym-Jomart Toqaevtyń «Ádiletti Qazaqstan - Adal azamat - Ozyq oıly ult» ıdeıasyn tárbıe jumysynyń ózegine aınaldyrýǵa baǵyttalǵan.
Búginde mekteptegi tárbıe jumysy jekelegen is-sharalarmen shektelmeıdi. Oqýshynyń tulǵalyq damýyna yqpal etetin tutas tárbıelik ekojúıe qalyptasýda. Baǵdarlamanyń alǵash ret vedomstvoaralyq deńgeıde iske asyrylýy tárbıe máselesin mekteptiń ǵana emes, memleket pen qoǵamnyń ortaq jaýapkershiligi retinde qarastyrýǵa múmkindik beredi.
2026-2027 oqý jylynda oqýshylardyń quqyqtyq mádenıetin qalyptastyrý maqsatynda 5-7-synyptarǵa «Konstıtýtsııa negizderi», 8-11-synyptarǵa «Zań jáne tártip» oqý kýrstary engiziledi. Al «Jeke qaýipsizdik» kýrsy balalardyń qaýipsiz minez-qulyq daǵdylaryn damytýǵa jáne túrli jaǵdaıda durys sheshim qabyldaýyna baǵyttalady.
Jańa Konstıtýtsııa negizinde «Adal azamat» baǵdarlamasynyń brendbýgi de jańartyldy. Mektep keńistigi tárbıe berýdiń mańyzdy quraly retinde qarastyrylady. Balanyń qalyptasýyna muǵalim men ata-anamen birge ony qorshaǵan bilim berý ortasy da yqpal etedi.
Sonymen qatar Memleket basshysy Qasym-Jomart Toqaevtyń tapsyrmasyna sáıkes «Taza Qazaqstan» tujyrymdamasy aıasynda «Jasyl mektep» pılottyq jobasy bastalady. Joba ekologııalyq bilimdi oqý úderisine kiriktirip, oqýshylardyń tabıǵatqa jaýapkershilikpen qaraý mádenıetin qalyptastyrýdy kózdeıdi.
Aıta ketelik ️Qazaqstan quramasy Lıngvıstıkadan halyqaralyq olımpıadada tarıhı nátıje kórsetti.
