2026 jyly búkilálemdik shahmat olımpıadasy Ózbekstanda ótedi

TAShKENT. QazAqparat - 46-shy Dúnıejúzilik shahmat olımpıadasy 2026 jyly Ózbekstanda ótedi. Bul týraly Ózbekstan shahmat federatsııasynyń prezıdenti Álisher Sadýllaev óziniń Telegram-kanalynda málimdedi, dep habarlaıdy QazAqparat tilshisi.

Tıisti sheshim Úndistannyń Chennaı qalasynda ótken Halyqaralyq shahmat federatsııasynyń (FIDE) Bas assambleıasynda qabyldandy.

Týrnırdi ótkizýge Polsha men Zambııa da ótinish bildirdi, biraq olar óz úkimetiniń kepildik hatty joqtyǵynan fınaldyq týrǵa qatysa almady.

Nátıjesinde delegattardyń búkil daýsy Ózbekstanǵa berildi.

Ózbekstan bul jarysty alǵash ret ótkizedi. Tashkent nemese Samarqand tańdalady.

29 shilde men 9 tamyz aralyǵynda Úndistannyń Chennaı qalasynda 44-shi shahmat olımpıadasy ótip jatyr.

45-shi shahmat olımpıadasy 2024 jyly Vengrııanyń Býdapesht qalasynda ótedi.

Foto: t.me/alisher_sadullaev