2026 jylǵa qaraı jańartylatyn energııa kózderiniń 50-den astam nysany iske qosylady

ASTANA. QazAqparat – 2026 jylǵa qaraı jańartylatyn energııa kózderiniń 50-den astam nysany iske qosylady. Bul týraly Úkimet otyrysynda QR Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Energetıkalyq qaýipsizdik máselelerin kúsheıtý úshin 2029 jylǵa qaraı 3,7 GVt energııa generatsııalaıtyn qýattar engiziletin bolady. Onyń ishinde 1,8 GVt elektr stantsııalaryn jańǵyrtý jáne 1,9 GVt jańa bý-gaz qondyrǵylaryn salý qolǵa alynady», - dedi mınıstr.

Onyń atap ótýinshe, 2026 jylǵa qaraı jańartylatyn energııa kózderiniń 50-den astam nysany iske qosylatyn bolady. Osylaısha jańartylatyn energııa óndirisiniń kólemi 1,5 ese ósedi jáne el boıynsha elektr energııasynyń jalpy óndirisinde 7 paıyzǵa jetedi.

«2029 jylǵa deıin Ulttyq elektr jelisin jańǵyrtý, onyń ishinde Batys Qazaqstannyń elektr jelilerin Birtutas elektr energetıkalyq júıege qosý boıynsha jumystar júrgiziletin bolady», - dedi Bolat Aqsholaqov.