2026 jylǵa deıin negizgi kapıtalǵa ınvestıtsııalar 34,6 trln teńgege jetedi – mınıstrlik
«Boljam boıynsha 2026 jylǵa qaraı negizgi kapıtalǵa túsetin ınvestıtsııalar 34,6 trln teńgege deıin jetedi», - delingen qujat jobasynda.
Usynylǵan kestege sáıkes, negizgi kapıtalǵa ınvestıtsııa 2022 jyly – 15,9 trln teńge, 2023 jyly – 18,5 trln teńge, 2024 jyly – 22,1 trln teńge, 2025 jyly – 27,7 jáne 2026 jyly 34,6 trln teńgege deıin artady. «Tujyrymdamada qamtylǵan qaǵıdattar men QR ınvestıtsııalyq saıasatyn iske asyrý tásilderin tolyq kólemde júzege asyrý 2026 jylǵa qaraı mynadaı nátıjelerge qol jetkizýge múmkindik beredi:
- óńdeý ónerkásibiniń negizgi kapıtalyna ınvestıtsııalar úlesin negizgi kapıtalǵa ınvestıtsııalardyń jalpy kóleminen 13 % deıin ulǵaıtý (2020 jyly 8,8 %, 2021 jyly 11,7 %);
- ekonomıkanyń shıkizattyq emes sektorlaryna ınvestıtsııalar úlesin negizgi kapıtalǵa ınvestıtsııalardyń jalpy kóleminen 60 % deıin ulǵaıtý (2020 jyly 44 %, 2021 jylǵy qańtar-shildede 48 %);
- óńdeý ónerkásibine tikeleı sheteldik ınvestıtsııa (TShI) úlesin Qazaqstan Respýblıkasyndaǵy TShI jalpy quıylýynyń 30 % deıin ulǵaıtý (2019 jyly 14,2 %, 2020 jyly 18,5 %);
- «jasyl» ekonomıkany damytýǵa baǵyttalǵan ınvestıtsııalardyń 2019 jylǵy deńgeıge qaraǵanda 3 ese artýy (2019 jyly 163 mlrd teńge, 2020 jyly 120 mlrd teńge);
- óńdeý ónerkásibindegi negizgi quraldardyń tozýyn 33 % deıin tómendetý (2019 jyly 36,5 %, 2020 jyly 39,2 %);
- ekonomıkanyń basym sektorlaryna tartylǵan transulttyq kompanııalardyń, iri kompanııalar men «zákirlik ınvestorlarmen» birlesken kásiporyndar sany – 20-dan astamdy quraıdy (2022 – 2026 jyldar);
- árbir 10 myń adamǵa shaqqanda 100 jumys ornyn qurý.
Tujyrymdamadaǵy ózgertýlerge sáıkes, tikeleı sheteldik ınvestıtsııa tartýǵa jaýapty mekemeler qatarynan taıaýda taratylǵan «Zerde» ulttyq holdıngi alynyp tastalǵan. Onyń ornyna Strategııalyq josparlaý jáne reformalar agenttigi, Ulttyq statıstıka bıýrosy jáne «Kazakh Tourism» ulttyq kompanııasy qosylǵan.
