15:11, 12 Mamyr 2021 | GMT +6
2026 jyldan bastap «Proton» zymyran-tasyǵyshy Baıqońyrdan ushyrylmaıdy
NUR-SULTAN. QazAqparat – Tsıfrlyq damý, ınnovatsııalar jəne aeroǵarysh ónerkəsibi mınıstri Baǵdat Mýsın «Proton» zymyran-tasyǵyshy ushyrý qaı jyly tolyqtaı toqtaıtynyn aıtty, dep habarlaıdy QazAqparat tilshisi.
Reseı tarapy «Baıqońyr» aılaǵynan «Protondy» ushyrýdy qysqartyp jatyr.
«Jalpy, «Proton» zymyran-tasyǵyshyn ushyrýdy qysqartýǵa toqtalsaq, 2016 jyly tıisti ýaǵdastyqqa qol jetkizildi. Osy oraıda jyl saıyn «Proton» zymyran-tasyǵyshy bes retten artyq paıdalanylmaıtyny jáne 2026 jylǵa qaraı bul zymyrandardy paıdalaný tolyqtaı toqtatylatyny eskerilgen», - dedi mınıstr depýtattardyń saýalyna jaýap bere otyryp.
Onyń sózine qaraǵanda, 2020 jyly «Proton» zymyran-tasyǵyshy bir ret ushyrylǵan. Al 2021 jylǵa atalǵan zymyran-tasyǵysh boıynsha Reseıdiń jospary ázirge usynylmaǵan.
«Qazir jylyna bes ret paıdalaný kórsetkishine jetpeıdi. Olar bul zymyran-tasyǵyshtardy ushyrýdy ózderi qysqartyp jatyr», - dedi Baǵdat Mýsın.
