2026 jyly jahandyq saýda ósimi baıaýlaıdy — Dúnıejúzilik saýda uıymynyń boljamy
ASTANA. KAZINFORM — Dúnıejúzilik saýda uıymy beısenbi kúni 2025 jyldaǵy kútpegen joǵary kórsetkishterden keıin 2026 jyly jahandyq saýda ósimi baıaýlaıtynyn habarlady, dep jazady Sınhýa.
Sondaı-aq, uıym Taıaý Shyǵystaǵy jalǵasyp jatqan qaqtyǵystar álemdik saýdaǵa qosymsha qysym kórsetýi múmkin ekenin eskertti.
Dúnıejúzilik saýda uıymynyń sońǵy «Jahandyq saýda perspektıvalary men statıstıkasy» atty baıandamasynda energııa kózderiniń baǵadaǵy kúrt ózgeristerin esepke almaıtyn negizgi stsenarıı boıynsha taýar saýdasynyń ósimi 2025 jylǵy 4,6%-dan 2026 jyly 1,9%-ǵa deıin baıaýlaıdy dep boljanǵan, al 2027 jyly 2,6%-ǵa qalpyna keletini kórsetilgen.
Baıandamada kommertsııalyq qyzmet kórsetý saýdasynyń ósimi 2026 jyly 4,8%-ǵa baıaýlaıdy, al 2027 jyly qaıtadan 5,1%-ǵa deıin jedeldeıdi delingen.
Taýarlar men qyzmet kórsetýlerdiń jalpy saýda ósimi 2026 jyly 2,7%-ǵa jetedi, al 2025 jyly bul kórsetkish 4,7% shamasynda bolǵan.
Baıandamanyń boljamyna sáıkes, álemdik jalpy ishki ónimniń ósimi 2025 jylǵy 2,9%-dan 2026 jáne 2027 jyldary 2,8%-ǵa sál baıaýlaıdy.
Budan buryn Ózbekstan Dúnıejúzilik saýda uıymyna qosylý boıynsha taǵy úsh elmen kelissózdi aıaqtaǵanyn jazǵan edik.
Al jaqynda Donald Tramp saýda soǵysynyń jańa kezeńin bastaǵanyn habarlaǵan bolatynbyz.
