2026 jyly zeınetaqy 10 paıyz ósedi
ASTANA. KAZINFORM — Qarjy mınıstrligi jarııalaǵan 2026-2028 jyldarǵa arnalǵan respýblıkalyq bıýdjettiń jobasynda keler jyly qazaqstandyqtar MÁMS-ke qansha aqsha aýdaratyny aıqyndalǵan.
— Jasyna baılanysty zeınetaqy tólemderine jáne eńbek sińirgen jyldary úshin zeınetaqy tólemderine jumsalatyn qarajat 2026 jylǵy 1 qańtardan bastap olardyń mólsherlerin 10 paıyzǵa kóterý eskerile otyryp kózdelgen dep belgilensin, — dep jazylǵan qujatta.
Sondaı-aq, 2026 jylǵy 1 qańtardan bastap Áleýmettik medıtsınalyq saqtandyrý qoryna tólenýge jatatyn, memlekettiń mindetti áleýmettik medıtsınalyq saqtandyrýǵa jarnalarynyń mólsheri memleket jarnalaryn esepteý obektisiniń 2 paıyzy bolyp belgilenetini aıtylǵan.
— 2026 jylǵy 1 qańtardan bastap áskerı qyzmetshilerge (merzimdi qyzmettegi áskerı qyzmetshilerden basqa) jáne arnaýly memlekettik organdar men quqyq qorǵaý organdarynyń, memlekettik feldegerlik qyzmettiń qyzmetkerlerine turǵynjaıdy kútip-ustaýǵa jáne kommýnaldyq qyzmetterge aqy tóleýge aqshalaı ótemaqynyń aılyq mólsheri 3 739 teńge somasynda belgilensin, — delingen qujatta.
Buǵan deıin donor óńirler aldaǵy úsh jylda respýblıkalyq bıýdjetke 3,3 trln teńge bóletinin jazǵan edik.