2026 jyly Úndistanda jańa atomdyq súńgýir qaıyq bazasy ashylady

NЬıÝ-DELI. KAZINFORM – Úndistan kelesi jyly Andhra-Pradesh shtatynda jańa bazany paıdalanýǵa berýdi josparlap otyr. Bul týraly The Times of India gazeti habarlady, dep jazady TASS.

Vıshakhapatnamdaǵy Shyǵys Áskerı-teńiz kúshteri qolbasshylyǵynyń shtab-páterinen ońtústikke qaraı 50 shaqyrym jerde salynǵan bazada ıadrolyq súńgýir qaıyqtar ornalasatyn týnnelder jelisi bar. Bul olarǵa Bengal shyǵanaǵyna kirýge múmkindik beredi, sebebi ony shpıondyq spýtnıkter anyqtaı almaıdy.

– Varsha jobasy boıynsha Rambıllı bazasynyń birinshi kezeńi aıaqtalýǵa jaqyn. 2026 jyly paıdalanýǵa berilgennen keıin ony kezeń-kezeńimen keńeıtip, jańǵyrtýǵa bolady, – delingen habarda.

Úndistan sonymen qatar batys jaǵalaýdaǵy Karnataka shtatyndaǵy Karvar bazasyn birtindep jańartyp jatyr, dep jazady gazet. Jobanyń aǵymdaǵy kezeńin júzege asyrý 32 iri kemeni ornalastyrýǵa múmkindik beredi.

– Іshki aılaq daıyn. Syrtqy bóligindegi tolqyndar men kedergilerge qarsy jumys jalǵasyp jatyr, – dep qosty derekkóz.

Aldaǵy ýaqytta nysandy 50 keme men sýasty qaıyqtary jáne 40 kómekshi kemelerdi ornalastyrý úshin keńeıtý josparlanǵan.

Úndistan bıylǵy jyly ballıstıkalyq ıadrolyq zymyrandary bar Aridhaman atty 7 myń tonna syıymdylyǵy bar úshinshi atomdyq sýasty qaıyǵyn paıdalanýǵa beredi.

El tórtinshi súńgýir qaıyǵyn jasap jatyr. Ótken jyldyń qazan aıynda árqaısysynyń sý yǵystyrýy 9,8 myń tonna bolatyn eki ıadrolyq shabýyl sýasty qaıyqtarynyń qurylysy maquldaǵan.

Aıta keteıik, buǵan deıin Úndistanda qoımada bolǵan jarylystan 20-dan astam adam qaza tapqanyn jazǵan edik.