2026 jyly úlesker retinde alǵan páterin satqandardyń bir bóligi salyqtan bosatylady

ASTANA. KAZINFORM — 2026 jyldan bastap úlesker retinde alǵan páterin satqandardyń bir bóligi salyqtan bosatylady Qarjy mınıstrligi Memlekettik kirister komıteti Salyq ádisnamasy basqarmasy basshysynyń orynbasary Aıgúl Abbasova onlaın brıfıngide osyndaı málimet aıtty. 

— Páterdi daıyn kúıinde emes, qurylystaǵy úles retinde satyp alǵan jeke tulǵalar da keıin ol baspanany satqanda ústinen kórgen tabystan salyq tóleıdi. Qazir jeke tulǵa páterdi qurylystaǵy úles retinde satyp alsa, mindetti túrde ústinen kórgen tabystan jeke tabys salyǵyn tóleıtin. Jańa salyq kodeksinde oǵan da merzim belgiledik. Qurylystaǵy úlesińizdi 3 jyldyń ishinde satqan jaǵdaıda ǵana ústinen kórgen tabysqa salyq tóleısiz, — dedi Aıgúl Abbasova.

Buǵan deıin birneshe páteriniń jıyntyq quny 450 mln teńgeden asatyn adamdarǵa múlik salyǵy 1,5 paıyz bolatynyn jazǵan edik.