2026 jyly Tax free jobasy Qazaqstannyń 20 qalasyna engiziledi
ASTANA. KAZINFORM – Sheteldik týrısterdiń Qazaqstannyń úsh iri qalasynda satyp alǵan taýaryna salyq jeńildigin usynatyn Tax free jobasy búkil oblys ortalyqtaryna engiziledi. Bul týraly Qarjy mınıstriniń orynbasary Erjan Birjanov Úkimet otyrysynan keıin ótken baspasóz máslıhatynda aıtty.
- Iá, bul – bizdiń basym baǵyttarymyzdyń biri. Іlki joba retinde úsh qalada iske qosqan bolatynbyz. Qazir erejege basqa qalalardy da qospaqshymyz. Pysyqtap jatyrmyz, jaqyn arada qalaı keńeıtkenimizdi habarlaımyz. Biz búkil oblys ortalyqtaryn osy jobaǵa qosqymyz keledi. Sonda 20 qala bolady, - dedi Erjan Birjanov.
Buǵan deıin Tax Free pılottyq jobasynyń merzimi uzartylatynyn jazǵan edik.
Tax Free pılottyq jobasy Qazaqstan Respýblıkasynyń aýmaǵynda sheteldik týrısterdi tarta otyryp, kelý týrızmin damytý jáne kásipkerlik sýbektileriniń aınalymyn arttyrý maqsatynda týrısterge (shet memleketterdiń azamattaryna) taýarlardy EAEO kedendik aýmaǵynan tysqary jerlerge áketý kezinde keminde 20 eń tómengi eseptik kórsetkish mólsherinde QQS somasyn óteýdi kózdeıdi.