2026 jyly Ózbekstan jer silkinisin JI arqyly boljaýǵa kirisedi

TAShKENT. KAZINFORM – Ózbekstan prezıdenti Shavkat Mırzıeev Seısmıkalyq qaýipsizdikti qamtamasyz etý jáne salanyń tıimdiligin arttyrý jónindegi sharalar jarlyǵyna qol qoıdy, dep habarlaıdy Kazinform agenttiginiń menshikti tilshisi.

2026 жылы Өзбекстан жер сілкінісін ЖИ арқылы болжауға кіріседі
Фото: Gov.kz

Qujatqa sáıkes, 2026 jyldyń 1 qańtarynan bastap kóshkin qaýpi joǵary tasjoldarda, taýly aýdandar arqyly ótetin temirjol jelileriniń mańaıyna ǵaryshtyq monıtorıng júrgiziledi.

Sondaı-aq, jasandy ıntellektti engize otyryp, jer silkinisterin boljaý tájirıbesi engiziledi. Birinshi kezeńde atalǵan pılottyq joba Tashkent qalasynda júzege asady.

Bul jumystarmen birge mádenı mura nysandarynyń yqtımal zilzalaǵa tótep berý qaýqary tekseriledi. Buǵan qosa, aımaqtardyń seısmıkalyq qaýiptiligi týraly aqparattar jınaqtalǵan platforma qurylady. Ony qurylys kompanııalary ǵımarat salý kezinde basshylyqqa alýy tıis.

Buǵan deıin habarlaǵanymyzdaı, Ózbekstan úkimeti JI-di engize otyryp, 2 myńnan astam sheneýnikti jumystan bosatpaq.

Qosa ketsek, 2026 jyldan bastap ózbekstandyq oqýshylarǵa jasandy ıntellekt negizderin oqytý josparlanyp otyr.

Sondaı-aq, Ózbekstan úkimeti jemqorlyqpen kúres úshin memlekettik satyp alý júıesine jasandy ıntellektini engizýdi josparlap otyr.

Сейчас читают