2026 jyly Mońǵolııaǵa keletin týrıster sany 14,8%-ǵa artty
ASTANA. KAZINFORM — 2025 jyly Mońǵolııaǵa 847 200 týrıst kelip, týrızmnen elge 700 mıllıon dollar tabys túsken, dep habarlaıdy Montsame.
Al 2026 jyldyń basynan beri týrıster sany ótken jyldyń sáıkes kezeńimen salystyrǵanda 14,8%-ǵa ósken.
Mońǵolııanyń týrıstik sektory sońǵy jyldary turaqty ósim kórsetip keledi, al naýryz aıyndaǵy kórsetkishter jańa rekordtardy jańartýdy jalǵastyrǵan.
31 naýryzdaǵy dınamıka tómendegideı boldy:
2023 jyl — 42 311 týrıst
2024 jyl — 56 622 týrıst
2025 jyl — 73 243 týrıst
2026 jyl — 84 087 týrıst
Naýryz aıyndaǵy ósim ótken jyldyń osy kezeńimen salystyrǵanda týrıstik maýsymnyń erterek bastalǵanyn jáne qys mezgilinen keıin qalpyna kelý úrdisin kórsetedi.
Týrızm salasyndaǵy kásibı qaýymdastyqtyń málimetinshe, 16 sáýirdegi jaǵdaı boıynsha Mońǵolııaǵa 175 763 týrıst kelgen.
Osydan buryn Mońǵolııada kólikterdiń 90%-dan astamy 10 jyldan beri paıdalanylyp kele jatqanyn jazǵan edik.
