2026 jyly Mońǵolııa Ortalyq Azııa ekonomıkalyq yntymaqtastyǵy ınstıtýtyna tóraǵalyq etedi
ASTANA. KAZINFORM — 2–3 jeltoqsan aralyǵynda Qytaıdyń Shyńjań-Uıǵyr avtonomııalyq aımaǵynyń ákimshilik ortalyǵy Úrimshide Ortalyq Azııadaǵy ekonomıkalyq yntymaqtastyq jónindegi Birinshi Tıanshan forýmy ótip jatyr, dep habarlaıdy Montsame.
Qarjy mınıstrliginiń málimetinshe, forýmdy uıymdastyrýshy – Ortalyq Azııa ekonomıkalyq yntymaqtastyǵy ınstıtýty (TsARES), al osy jyly uıym óziniń 10 jyldyǵyn atap ótpek. 2026 jyly Ortalyq Azııa ekonomıkalyq yntymaqtastyǵy ınstıtýtynyń tóraǵalyǵy Mońǵolııaǵa ótedi.
Forýmdy Qarjy mınıstrliginiń Memlekettik hatshysy J. Ganbat, QHR Qarjy mınıstri Lan Foan jáne Pákistan Islam Respýblıkasynyń Josparlaý, damý jáne reformalar mınıstri Asan Ikbal ashty.
Memlekettik hatshy forýmnyń óńirlik ekonomıkalyq jáne ınvestıtsııalyq yntymaqtastyqty keńeıtý úshin mańyzdylyǵyn atap ótti. Sonymen qatar ol turaqty, damyǵan jáne ınvestıtsııaǵa qolaıly óńir qurý úshin TsARES-tiń barlyq múshe memleketterimen belsendi yntymaqtastyq jasaýǵa daıyn ekendigin bildirdi.
Óńirlik ınvestıtsııalyq, ınfraqurylymdyq jáne saýda dálizderin keńeıtý jáne TsARES yntymaqtastyǵyn jańa deńgeıge kóterý úshin mańyzdy forýmǵa 300-den astam qatysýshy bardy. Olarǵa halyqaralyq uıymdar, qarjy ınstıtýttary, jeke sektor ókilderi, analıtıkalyq ortalyqtar men akademııalyq mekemelerdiń sarapshylary men ǵalymdary kiredi.
Budan buryn Mońǵolııa alǵash ret ıÝNESKO Álemdik mura komıtetine saılanǵanyn jazǵan edik.