2026 jyly qorǵanys salasyna jalpy ishki ónimniń 1%-y bólinedi
ASTANA. KAZINFORM — Qarjy mınıstri Mádı Takıev Májilistiń jalpy otyrysynda 2026 jyly óńirlerge transfertter arqyly 5,1 trln baǵyttalatynyn málim etti.
— Aldaǵy úsh jyldyq bıýdjette óńirlerdi damytýǵa 581 mlrd teńge qarastyrylǵan. Onyń ishinde 2026 jylǵa 300 mlrd teńge josparlanǵan. Bul aqshanyń bári mańyzdy jáne jalpy halyqtyq sıpattaǵy mańyzy bar jobalarǵa baǵyttalady.
Sonymen qatar, ákimdikterdiń derbestigin arttyrý úshin 2026 jyly óńirlerge transfertter arqyly 5,1 trln teńge baǵyttalady, — dedń Mádı Takıev.
Onyń sózinshe, 2026 jyly kúshtik qurylymdardy qarjylandyrýǵa 3 trln teńge josparlanyp otyr.
— Bul bıylmen salystyrǵanda 335 mlrd teńgege artyq. Osylaısha, qorǵanysqa jumsalatyn shyǵys, jalpy ishki ónimniń 1%-yna teń bolady.
Bul qarajat jaýyngerlik daıyndyqty saqtaýmen qatar, júıeli jańartýlardy júzege asyrýǵa da baǵyttalǵan, — dedi Qarjy mınıstri
Aıta keteıik, búgin Májilis úsh jyldyq respýblıkalyq bıýdjetti talqylap jatyr.