2026 jyly Qonaevta 4 jańa qazandyq iske qosylady
QONAEV. KAZINFORM - Qonaev qalasynda jylytý maýsymyna daıyndyq júrip jatyr.
«Jylý Ortalyǵy» mekemesiniń dırektory Erjan Shoqannyń aıtýynsha, bıyl qalada jylý jelileriniń 2,6 shaqyrymy jóndeledi. Qazirgi deıin 1,5 shaqyrymynda jumystar aıaqtalǵan.
- 26 tamyz ben 15 qyrkúıek aralyǵynda qalada ystyq sý óshiriledi. Bul shara jóndelgen aýmaqtardy tekserý úshin jasalady. 20 kún ishinde jumystardy aıaqtaýǵa tyrysamyz. Osy ýaqyt aralyǵynda qazandyqtar men onyń jabdyqtary da aǵymdaǵy jóndeýden ótpek. Atalǵan sharalar 2025-2026 jylǵy jylytý maýsymyn úzilissiz ótkizýge múmkindik beredi. Búginde josparlanǵan jumystyń 72%-y oryndaldy, - dedi Erjan Shoqan.
Qonaev ákimdiginiń málimetinshe, 2026 jyly jańa 4 qazandyqty iske qosý josparlanǵan. Búgingi kúni ortalyqtandyrylǵan jylytý júıesine 32 myńnan astam abonent qosylǵan. Onyń ishinde 29 myńy - kópqabatty turǵyn úıler men ǵımarattar bolsa, qalǵany jeke sektor. Jylý ortalyǵynda 10 qazandyq ornalasqan.
- Úıleri qatty otynmen (kómir) jylytylatyn turǵyndardyń nazaryna: Seıfýllın kóshesinde kómir tuıyǵy jumys istep tur. Onda qarajyra kómiri satylady, baǵasy - tonnasyna 21-22 myń teńge, - dep habarlady ákimdikten.
Foto: Qonaev ákimdigi
Eske salaıyq, buǵan deıin Ulytaý jáne Aqtóbe oblystarynda jylytý maýsymyna daıyndyq barysy tekseriletinin jazǵanbyz.