2026 jyly Qytaı ýnıversıtetterin 12,7 mln stýdent bitirmek
ASTANA. KAZINFORM — Qytaı Bilim mınıstrliginiń málimetinshe, 2026 jyly Qytaıdyń joǵary oqý oryndarynda shamamen 12,7 mıllıon stýdent támamdamaq, dep habarlaıdy Sınhýa.
Bul kórsetkish 2025 jylmen salystyrǵanda 480 myńǵa artady dep boljanyp otyr.
Mınıstrlik jergilikti bılik organdary men ýnıversıtettermen kelisip, 2026 jyly túlekterdi jumysqa ornalastyrý sapasyn arttyrý jáne aýqymyn keńeıtýge baǵyttalǵan arnaıy naýqan ótkizýdi josparlap otyr.
Bilim mınıstrliginiń habarlaýynsha, joǵary sapaly jáne tolyqqandy jumyspen qamtýdy qamtamasyz etý maqsatynda naýqan aıasynda kásipkerlikti qoldaý, ónerkásip pen bilim arasyndaǵy ıntegratsııany tereńdetý, suranys pen usynysty teńestirý, sondaı-aq áleýmettik turǵydan osal toptardy maqsatty qoldaý sııaqty sharalar qolǵa alynady.
Mınıstrliktiń dereginshe, bıylǵy kúzgi semestr bastalǵaly ýnıversıtetter kampýs is-sharalary aıasynda túlekterge 12 mıllıonnan astam jumys oryndaryn jınap, usynǵan.
Aıta ketelik elde Azııa elderinen kelgen stýdentter sany TMD stýdentterinen asyp tústi.