2026 jyly Qazaqstanǵa Reseıden 3-4 Amýr jolbarysy jetkiziledi
ASTANA. KAZINFORM – Qazaqstan Amýr jolbarystaryn elge ákelip jersindirý máselesin kórshi elmen jumys toby aıasynda talqylady.
- Amýr jolbarysyn qaıta jersindirý jónindegi Qazaqstan Respýblıkasy men Reseı Federatsııasy arasyndaǵy yntymaqtastyq týraly memorandýmdy iske asyrý maqsatynda bıyl ekijaqty jumys tobynyń eki otyrysy ótti. Kezdesý barysynda taraptar jolbarystardy qaıta jersindirý jónindegi birlesken is-qımyl josparyna qol qoıdy jáne adam men jyrtqysh arasynda bolýy múmkin jaǵdaıǵa den qoıý boıynsha qazaqstandyq mamandardyń Reseıde daıarlyqtan ótetin boldy, - dedi Ekologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń tóraǵasy Danııar Turǵambaev ortalyq kommýnıkatsııalar qyzmeti alańynda ótken baspasóz máslıhatynda.
Komıtet basshysynyń málimdeýinshe, birlesken is-qımyl josparyna sáıkes, Reseı Federatsııasynan 3-4 jolbarysty ákelý 2026 jyldyń birinshi jartyjyldyǵyna josparlanyp otyr.
Aıta ketsek, bıyl jazda elimizge Reseıden 4 jolbarysty jetkizý máselesi áli pysyqtalyp jatqany týraly habarlaǵan edik.