2026 jyly Qazaqstanda Aımaqtyq klımat sammıti ótedi - Memleket basshysy
ASTANA. KAZINFORM – Memleket basshysy Qasym-Jomart Toqaev Aqordada ótip jatqan Ǵylym jáne tehnologııalar jónindegi ulttyq keńestiń otyrysynda qorshaǵan ortany qorǵaýdyń mańyzdylyǵy týraly aıtty. Sondaı-aq Prezıdent BUU aıasynda 2026 jyly Qazaqstanda Aımaqtyq klımat sammıti ótetinin atap ótti.
«Jańa aıtqanymdaı, keıingi jyldary álemde tabıǵı jáne tehnogendik apattardyń sany kúrt kóbeıdi. ıAǵnı, jahandyq ındýstrııalandyrý men ýrbanızatsııa úderisi klımattyń ózgerýine tikeleı áser etip otyr. Keıbir boljamǵa qarasaq, bul úrdis aldaǵy bes jylda álem ekonomıkasyna shamamen bes trıllıon dollar shyǵyn ákeledi. Sondyqtan qorshaǵan ortany qorǵaý – biz úshin mańyzdy máseleniń biri.
ıÝNESKO sheshimimen 2020 jyly Almatyda qurylǵan Óńirlik glıatsıologııalyq ortalyq klımattaǵy ózgeristerdi zertteýge zor úles qosyp keledi. Ǵalymdarymyz muzdyqtardyń erýin zerttep qana qoımaı, selden jáne muzdaq kólderden keletin qaýipke qarsy qorǵanysymyzdyń osal tustaryn kúsheıtý joldaryn da izdeıdi. Glıatsıologııalyq ortalyqtyń áleýetin tolyq paıdalaný qajet. Úkimet ortalyqty ǵımaratpen qamtamasyz etý mindetin sheship jatyr. Endi Qazaqstan Úkimeti men ıÝNESKO arasyndaǵy Glıatsıologııalyq ortalyqtyń qyzmeti týraly kelisimdi uzartý máselesine erekshe nazar aýdarý qajet. Sebebi onyń merzimi bıyl aıaqtalady. BUU aıasynda 2026 jyly Qazaqstanda Aımaqtyq klımat sammıti ótedi. Bul mańyzdy is-shara halyqaralyq qoǵamdastyqtyń nazaryn muzdyqtardyń erýi, ózender men kólderdiń taıazdanýy, shóleıttený, jerdiń tozýy sııaqty problemalarǵa aýdarýǵa múmkindik beredi. Sammıtke daıyndyqty qazirden bastaý kerek. Bul jıyn óńirlik jáne jahandyq ekologııalyq syn-qaterlerge tótep berý úshin ǵalymdardyń, sarapshylardyń, saıasatkerlerdiń kúsh-jigerin jumyldyrýǵa yqpal etetinine senimdimin», - dedi Memleket basshysy.
Eske sala keteıik, buǵan deıin Aqordada Prezıdent Qasym-Jomart Toqaevtyń tóraǵalyǵymen Ǵylym jáne tehnologııalar jónindegi ulttyq keńestiń otyrysy ótip jatqanyn habarlaǵan edik.
