2026 jyly Qazaqstan Bolashaq oıyndaryn ótkizedi
ASTANA. KAZINFORM – 2026 jyly Qazaqstan Reseı bastamashysy bolyp esepteletin Bolashaq oıyndaryn óz aýmaǵynda ótkizedi. Bul týraly Memleket basshysy Qasym-Jomart Toqaev Reseı prezıdenti Vladımır Pýtınniń Qazaqstanǵa jasaǵan memlekettik sapary aıasynda ótken brıfıngte málim etti.
«2026 jyly Qazaqstan Bolashaqtyń úshinshi oıyndaryn ótkizetin orynǵa aınalady. Reseı bastamashy bolǵan bul biregeı týrnır dástúrli sport pen kıbersport saıystary bir týdyń astyna jınaıdy. Bıylǵy tamyz aıynda ótip, Máskeý turǵyndary men sheteldik qonaqtardyń keń yqylasyna bólengen Astananyń Máskeýdegi mádenıet kúnderin erekshe atap ótkim keledi», - dedi Prezıdent.
Memleket basshysy bıyl Qazan qalasynda Abaı Qunanbaev bıýstiniń ashylǵanyn eske aldy.
«Sonymen qatar, Máskeýdegi kórermender Úlken teatr sahnasynda Abaı operasynyń Qazaq ulttyq klassıkasynyń jaýharlaryn tamashalaı aldy. Taıaý jyldary Tretıakov galereıasy men Ermıtajdyń ańyzǵa aınalǵan murajaılary Qazaqstanǵa aýqymdy kórmelermen keledi dep josparlanǵan.
Osynyń bári baýyrlas halyqtarymyzdyń mádenıetaralyq baılanystardy jańa formattar arqyly nyǵaıtýǵa degen umtylysyn kórsetedi», - dedi Qasym-Jomart Toqaev.