2026 jyly Qazaqfılmge qatysty aýqymdy ózgeris bolady
ASTANA. KAZINFORM — Ulttyq kınony qoldaý memlekettik ortalyǵy men Sh. Aımanov atyndaǵy «Qazaqfılm» kınostýdııasy biriktirilýi múmkin. Bul týraly Mádenıet jáne aqparat mınıstrliginen málim boldy.
— Kezinde Ulttyq kınony qoldaý memlekettik ortalyǵy qurylǵan bolatyn. Mádenıet mınıstrligi Sh. Aımanov atyndaǵy «Qazaqfılm» ulttyq kınostýdııasy men atalǵan ortalyqty qosý máselesin pysyqtap jatyr. Óıtkeni ortalyqtyń basty mindeti – qujattardy tekserý. 2026 jyly osy eki uıymdy qosyp, qaıtadan «Qazaqfılmge» tarıhı mindetterin oryndaý múmkindigi berilmek, - delingen mınıstrliktiń Kazinform agenttigine bergen jaýabynda.
Vedomstvo aqparatyna qaraǵanda, elimizde ıdelogııalyq turǵydan tartymdy fılmderge qoldaý jasalady.
Eske salsaq, byltyr Mádenıet jáne aqparat mınıstri Aıda Balaeva «Qazaqfılm» kınostýdııasy tikeleı memlekettik bıýdjetten qarjylandyrý jaǵy qaralyp jatqanyn aıtqan edi.