2026 jyly halyqty áleýmettik qorǵaýǵa — 6,8 trln teńge jumsalady
ASTANA. KAZINFORM — Májilistiń jalpy otyrysynda Qarjy mınıstri Mádı Takıev 2026 jyly halyqty áleýmettik qorǵaýǵa bólinetin qarjynyń kólemin atady.
— 2026 jyly halyqty áleýmettik qorǵaýǵa — 6,8 trln teńge baǵyttaldy. Áleýmettik saladaǵy negizgi sheshimderdiń biri — áleýmettik tólemderdi taǵaıyndaýdyń tsıfrlyq tetikterin damytýdy bastaý, jáne proaktıvti formatqa kóshý. Bul adamı faktordy azaıtýǵa, bıýrokratııany qysqartyp, kómek kórsetýdi jedeldetýge alyp keledi. Densaýlyq saqtaý salasyna 2,7 trln teńge kózdelgen. Bul bıylǵy kórsetkishpen salystyrǵanda 107 mlrd teńgege artyq. Osynyń arqasynda medıtsınalyq qyzmetterdiń qoljetimdiligin arttyrýǵa múmkindik týyndaıdy, — dedi ol.
Vedomstvo basshysy bilim jáne ǵylym salasyna 902 mlrd teńge bólý josparlanyp otyrǵanyn aıtty.
— Mádenıet, týrızm jáne sportty damytýǵa 2026 jyly 263,5 mlrd teńge qarastyrylǵan. 2026 jyly ekonomıkanyń ósimine áser etetin shyǵyndar shamamen 1,2 trln teńge josparlanýda. Bul rette naqty sektordy damytýǵa arnalǵan qarajattyń kólemi 540 mlrd teńgege ulǵaıa otyryp, 3,7 trln teńgege jetedi, — dedi Mádı Takıev.
Aıta keteıik, búgin Májilis úsh jyldyq respýblıkalyq bıýdjetti talqylap jatyr.