2026 jyly Grýzııa ekonomıkasynyń ósimi baıaýlaıdy - Azııa damý banki
ASTANA. KAZINFORM – 2026 jyly Grýzııa ekonomıkasynyń ósimi 5,5 paıyzǵa deıin baıaýlaıdy, dep habarlaıdy Xinhua.
Bul týraly Azııa damý banki jarııalaǵan «Azııa damý boljamy» esebinde aıtylǵan.
Qujatqa sáıkes, 2025 jyly el ekonomıkasy 7,5 paıyz deńgeıinde ósse, aldaǵy jyly qyzmet kórsetý salasyndaǵy baıaýlaý men syrtqy suranystyń álsireýi áserinen ósim qarqyny tómendeıdi.
Sarapshylar geosaıası táýekelderdiń, ásirese Taıaý Shyǵystaǵy qaqtyǵystardyń kúsheıýi ekonomıkalyq belsendilikti qosymsha tejeıtinin atap ótken. Boljam boıynsha, 2027 jyly ósim 5,2 paıyzǵa deıin tómendeýi múmkin.
ADB-nyń Grýzııadaǵy ókildiginiń dırektory Leslı Bırman ekonomıkalyq ósimdi saqtaý úshin óńirlik jáne jahandyq ıntegratsııany tereńdetý qajet ekenin aıtty.
– Grýzııa kólik-logıstıka haby retindegi rólin kúsheıtýi tıis. Ol úshin ınfraqurylymǵa ınvestıtsııa tartý, saýdany keńeıtý jáne jeke sektordy qoldaý mańyzdy, – dedi ol.
Aıta keteıik, Qazaqstan men Grýzııa kólik-logıstıka salasynda yntymaqtastyqty damytady.
