2026 jyly elordada № 2 ındýstrııalyq parktiń qurylysy bastalady

ASTANA. KAZINFORM — Astana qalasynyń máslıhaty kezekten tys sessııa otyrysynda № 2 ındýstrııalyq park salýdy qoldady. 

— Qazaqstan Respýblıkasynyń ındýstrııaldyq jáne ınnovatsııalyq damý baǵdarlamasynyń sheńberinde Astana qalasynyń ákimdigi ekinshi ındýstrııalyq park salý jóninde jumysty bastady. Park arnaıy ekonomıkalyq aımaq sheginde ornalasady, aýmaǵy 432 ga jerdi qamtıdy, — dedi Astana qalasynyń ınvestıtsııalar jáne kásipkerlikti damytý basqarmasynyń basshysy Halel Ákimjanov máslıhattyń kezekten tys sessııasynda.

Basqarma basshysy keltirgen málimetke súıensek, jańa ındýstrııalyq parkte jalpy quny 500 mlrd teńge bolatyn 100-den astam ınvestıtsııalyq jobany júzege asyrý josparlanyp otyr.

— Indýstrııalyq park aýmaǵynda elektrondyq jabdyq, farmatsevtıka, hımııalyq ónimder zaýyty, mashına jasaý, qurylys materıaldary taǵy sol sııaqty salalyq jobalar iske asyrylady. Park qurylysy úsh kezeńge bólingen, qurylys 2026 jyly bastalyp, 2028 jyly aıaqtaý josparlanǵan, — deıdi ol.

Onyń aıtýynsha, ındýstrııalyq park jańa jumys oryndarynyń ashylýyna, qala ınfraqurylymynyń jaqsarýyna jáne qazynaǵa túsetin salyqtyń kóbeıýine yqpaly mol. 

Eske sala ketsek, Astanada ekinshi ındýstrııalyq parktiń salynatyny 2019 jyldan beri aıtylyp keledi.