2026 jyly elektrondy densaýlyq pasporttary tolyqqandy qoldanysta bolady - DSM
ASTANA. KAZINFORM — Bıyl qarashada Densaýlyq saqtaý resýrstaryn basqarýdyń jańa júıesi iske qosylady. Bul týraly búgin Úkimet otyrysynda Densaýlyq saqtaý mınıstri Aqmaral Álnazarova aıtty.
- Medıtsınalyq uıymdardyń bıznes protsesterin ońtaılandyrý esebinen Densaýlyq saqtaý mınıstrliginiń aqparattyq júıelerin medıtsınalyq aqparattyq júıelermen ıntegratsııalaý arqyly medıtsına qyzmetkerleriniń júktemesin 40 paıyzǵa deıin tómendetý jumysy júrgizildi. Aqaýlardy avtomatty túrde anyqtaý dáldigin 4 ese arttyrýǵa múmkindik bergen Medıtsınalyq kómekke aqy tóleýdiń biryńǵaı júıesi iske qosyldy. Búkil el boıynsha patsıentterdi tsıfrlyq sáıkestendirý keńeıtilip, onyń nátıjesinde 8 aı ishinde medıtsınalyq qyzmetterdi artyq tutyný kórsetkishi 6,8 paıyzǵa nemese 6,7 mlrd teńgege tómendedi, - dedi Aqmaral Álnazarova.
Onyń aıtýynsha, aldaǵy aıda kadrlardyń, jabdyqtardyń jáne medıtsınalyq tehnıkanyń bólinýin onlaın rejımde qadaǵalaıtyn Densaýlyq saqtaý resýrstaryn basqarýdyń jańa júıesi iske qosylady.
- Jeltoqsan aıynda barlyq medıtsınalyq derekti bir etalondyq saqtaý qoımasynda jınaqtaıtyn Medıtsınalyq derekterdiń biryńǵaı saqtaý qoımasyn iske qosý josparlanyp otyr. Nátıjesinde 2026 jyly elektrondy densaýlyq pasporttary azamattarǵa tolyqqandy qoljetimdi bolady, - dedi mınıstr.
Buǵan deıin 2026 jyly MÁMS derekterin beretin memlekettik organdardyń tizimi jańartylatynyn jazǵan edik.