2026 jyly bankter Qarjy mınıstrliginiń qundy qaǵazdarynan túsken kiristen salyq tóleı bastaıdy

ASTANA. KAZINFORM – 2031 jyly Qarjy mınıstrligi shyǵaratyn memlekettik baǵaly qaǵazdarǵa berilip otyrǵan salyq jeńildikteri túgel joıylady. Bul týraly Ulttyq bank tóraǵasy Tımýr Súleımenov Májilis depýtatynyń saýalyna joldaǵan jaýapta aıtty.

- 2026 jyldan bastap Qarjy mınıstrliginiń MBQ boıynsha kirisiniń 50%-yna salyq salý jáne 2031 jyldan bastap jeńildikti tolyq alyp tastaý engiziledi. Bul fıskaldyq shara bankterdiń MBQ-ǵa qyzyǵýshylyǵyn tómendetýge, al bosaǵan qarajatty bızneske kredıtteýge baǵyttaýǵa múmkindik beredi, - dep jazylǵan jaýapta.

Sondaı-aq, ol 2026 jyly Ulttyq bank pen Qarjy naryǵyn retteý jáne damytý agenttiginiń bastamasymen bankterdiń kirisine tabys salyǵynyń saralanǵan mólsherlemelerin engiziletinin eske saldy.

- Bıznesti kredıtteýden túsetin kiriske 20%, tutynýshylyq kredıt pen qyzmet túrlerinen túsetin tabysqa 25% mólsherleme belgilenip otyr, -- dep jazady Tımýr Súleımenov.

Aıta keteıik. 10 qazanda Ulttyq bank bazalyq mólsherlemeni 18%-ǵa deıin kóterdi.