2026 jyly avtomattandyrylǵan «salyq ámııany» iske qosylady

ASTANA. KAZINFORM — Qarjy mınıstri Mádı Takıev Úkimet otyrysynda «salyq ámııany» quraly qalaı jumys isteıtinin baıandady. 

— 2026 jyly zańdy tulǵalar úshin Biryńǵaı jeke kabınette jeke tulǵalar men jeke kásipkerlerge arnalǵan «Salyq ámııanyna» uqsas tetikti iske qosamyz. Salyq tóleýshi tólemderdiń avtomatty túrde sheshilý túrin tańdaı alady jáne esepten shyǵarý basymdyqtaryn retteı alady, — dedi ol.

Al «Kalkýlıator» qosymshasy salyq tóleýshige onlaın-kómekshi qyzmetin kórsetpek. Bul qural ońtaıly uıymdyq-quqyq týraly, salyq salýdyń qolaıly rejımi týraly, eseptilik tizbesi men tapsyrý jáne tóleý merzimderi týraly, óz mindettemelerin tirkeý men oryndaýdyń túsinikti baǵyty týraly paıdaly keńes beredi.

Aıta keteıik, búgingi Úkimet otyrysynda mıkro jáne shaǵyn bıznesti qoldaý sharalaryn talqylanyp jatyr.