Invataksı: Astana men Almatyda bir aıda 38,5 myń qyzmet kórsetildi
ASTANA. KAZINFORM – Eńbek jáne halyqty áleýmettik qorǵaý mınıstrliginiń bastamasymen erekshe qajettilikteri bar adamdarǵa ınvataksı qyzmetin kórsetý kezinde taksı agregatorlaryn paıdalaný jónindegi pılottyq jobany iske asyrý sheńberinde 2026 jyldyń basynan beri Astana jáne Almatyda atalǵan qyzmet 38,5 myń ret kórsetildi.
2025 jyldyń qorytyndysy boıynsha múgedektigi bar adamdarǵa ınvataksı qyzmeti 489,8 myń ret kórsetilgenin aıta ketken jón.
Budan buryn habarlaǵandaı, ınvataksı qyzmetin kórsetý jyldamdyǵy men sapasyn arttyrý maqsatynda Eńbekmıni ákimdiktermen birlesip osy qyzmettiń tetigine ózgertý engizý týraly sheshim qabyldady. Mysaly, azamattarǵa qyzmet alýdan bir kún buryn telefon arqyly jazylý qajet, bul óz saparlaryn aldyn ala josparlaýǵa, ınvataksı berýdi kútýge májbúr etedi, ınvataksı qyzmetterin usyný úshin kólik quraldarynyń jetispeýshiligi jáne
t. b. máseleler bar.
Sharttardy jeńildetý úshin osy qyzmetti kórsetýge qatysýǵa tıisti suranys alǵan taksı agregatorlaryn tartý boıynsha pılottyq jobaǵa bastama jasaldy.
Mundaǵy basty shart saparlardyń aqysynan paıyzdyń bolmaýy, olar ádette agregator platformalarynyń paıdasyna aýdarylatyn. ıAndeks kompanııasy pılottyq jobaǵa óteýsiz negizde qatysýǵa nıet bildirdi.
Pılottyq joba sheńberinde azamattar ıAndeks Go mobıldi qosymshasy arqyly Invataksı qyzmetin qoldana alady. Bul qyzmetti alýshy úshin kólikti tezirek tańdaýǵa, onlaın rejıminde tapsyrys mártebesin qadaǵalaýǵa jáne jasalǵan saparlarǵa monıtorıng júzege asyrýǵa múmkindik beredi. Atalǵan qosymshada múgedektigi bar adamdar júrgizýshige sapardaǵy erekshe qajettilikteri týraly eskertýi úshin arnaıy múmkindikter ekrany iske qosyldy. Óz kezeginde, júrgizýshiler adamdy kólikke otyrǵyzý jáne odan túsýde qalaı kómek kórsetýge bolatyn sekildi arnaıy nusqaýlar alady.
Bıyl Astana jáne Almaty qalalarynan múgedektigi bar adamdar qatarynan fokýs-toptyń qatysýymen jobany pılottyq rejımde iske asyrý jalǵasýda. Aldaǵy ýaqytta elimizdiń basqa óńirlerine masshtabtaý josparlanyp otyr.
Osyǵan deıin byltyr múgedektigi bar jandar ınvataksı qyzmetine 490 myńǵa jýyq tapsyrys bergenin jazǵanbyz.
