2026 jyly Arystaǵy qarý-jaraq qoımasy Aqtóbe mańyna kóshirilmek
ASTANA. KAZINFORM — Arysta qarý-jaraq qoımasynda bolǵan jarylystyń zardabyn joıý jumystary aıaqtaldy. Bul týraly Qorǵanys mınıstriniń orynbasary Shaıh-Hasan Jazyqbaev málim etti.
Májilistiń jalpy otyrysynan keıin BAQ ókilderi Qorǵanys mınıstriniń orynbasaryna «Arys qalasyndaǵy qarý-jaraq qoımasyn kóshirý qashan tolyq aıaqtalady?Aqtóbe, Qaraǵandy oblysynda qarý-jaraq qoımasyn salý jospary týraly aıtyldy, qalaı júrip jatyr? degen saýal qoıyldy.
— Jyl saıyn Arystaǵy jarylys saldaryn zalalsyzdandyrý jumystary júrgizilip jatyr. Búginde eń qaýipti degen jarylys zardaptary joıyldy. 2026 jyldyń sońynda Aqtóbe mańyna kóshirý josparda bar. Qazir Arys qalasynyń turǵyndary eshqandaı jarylyssyz, tynysh ómir súrip jatyr, qaýip joq, — dep qysqa qaıyrdy Shaıh-Hasan Jazyqbaev.
Mınıstr orynbasarynyń aıtýynsha, barlyǵy qarajattyń bólinýine baılanysty.
Eske sala ketsek, 2019 jyly 24 maýsymda Túrkistan oblysynyń Arys qalasyndaǵy áskerı bólim qoımasynda jarylys boldy. Saldarynan úsh adam qaza tapty — Arys turǵyny men eki áskerı qyzmetshi. Odan bólek 170-ke jýyq adam zardap shekti. 20-ǵa jýyq úı, 9 qora-qopsy janyp, dalaly aýmaqta 14 oshaq tutandy. Úı-jaılar men ǵımarattardyń 80-90 paıyzyna ártúrli deńgeıde zaqym keldi.